Kiswahili Questions and Answers - Form 1 Mid Term 2 2022

MASWALI

1. Soma shairi lifuatalo kisha ujibu maswali. (alama 10)
   Malenga mlotukuka, kwa tungo zenu teule
   Tungo zenye kusifika, zenye na nasaha tele
   Naomba la uhakika, jawabu enyi wavyele
   Wa kuume tangu lini, kuukata wa kushoto !
   Tangu dahari miaka, mikono ina upole
   ‘Meungana pasi shaka, ni miwili vile vile
   Mmoja ukisumbuka, mwingine hujaa ndwele
   Wa kuume tangu lini, kuukata wa kushoto !
   Wa kuume ukicheka, wa kushoto nao vile
   Ulipofanya dhihaka, kwamba unao upele
   Wa kushoto hutanzuka, kuukuna kwa vidole
   Wa kuume tangu lini, kuukata wa kushoto !
   Kimako leo amaka, kushoto haoni mbele
   Kumbe kuume kushika, kudhibiti mtale
   Misuli ‘metutumuka, hajali hana simile
   Wa kuume tangu lini, kuukata wa kushoto !
   Tamati ninaondoka, nawachia wakale
   Uamuzi wa haraka, ufanyike msilale
   Umenijaa wahaka, mwanzo wa ngoma ni lele
   Wa kuume tangu lini, kuukata wa kushoto !
   Maswali
   
   1. Shairi hili ni la aina gani? (Alama 1)
   2. Eleza vina vya shairi hili. (Alama 2)
   3.      
      1. Mizani ni nini ? (Alama 1)
      2. Shairi hili lina mizani ngapi katika ubeti wa nne mshororo wa tatu ? (Alama 1)
   4. Taja na ueleze maana ya kibwagizo cha shairi hili. (Alama 2)
   5. Taja jambo ambalo hufanywa na mikono yote miwili kwa pamoja. (Alama 1)
   6. Toa maana ya maneno haya kama yaliyotumiwa katika shairi. (Alama 2)
      
      1. Dahari
      2. Kuume
2. MATUMIZI YA LUGHA (ALAMA 20)
   1. Taja konsonanti ,mbili za ufizi. (Alama 2)
   2. Taja irabu mbili za nyuma. (Alama 2)
   3. Toa mifano mitatu ya ala tuli za kutamkia. (Alama 3)
   4. Ni nini maana ya kiyeyusho/nusu – irabu ? (Alama 1)
   5. Andika maneno mawili kwa kila mojawapo ya sauti hizi mwambatano. (Alama 2)
      
      1. Nj
      2. Sw
   6.    
      1. Eleza maana ya silabi. (Alama 1)
      2. Onyesha silabi za neno parapanda. (Alama 2)
   7. Taja aina moja ya kamusi. (Alama 1)
   8. Mtu anayehudumu maktabani huitwaje ? (Alama 1)
   9. Tambua aina za maneno katika sentensi hii. (Alama 2)
      Mtoto mtukutu ameadhibiwa vibaya.
   10. Nomino hizi ziko katika ngeli gani ? (Alama 1)
       
       1. Mkoba
       2. Ngao
   11. Kamilisha methali hizi. (Alama 1)
       
       1. Kikulacho ……
       2. Jambo usilolijua …
   12. Onyesha matumizi mawili ya nukta pacha/koloni. (Alama 1) 

MWONGOZO WA KUSAHIHISHA

1. Tarbia
2. Kina cha kati/ndani – ka, kina cha mwisho/nje – le
3.          
   1. Sauti yenye mdundo katika shairi.
   2. Mizani kumi na sita
4.    
   • Wa kuume tangu lini, kuukata wa kushoto !
   • Tangu lini mkono wa kulia ukaukata wa kushoto ?
5. Kucheka, kusumbuka
6.    
   1. Zamani, kale
   2. Kulia
7. MATUMIZI YA LUGHA (ALAMA 20)
   1. /d/,/t/,/n/,/l/,/r/,z/,/s/
   2. /o/,/u/
   3. kaakaa laini, kaakaa ngumu, ufizi, meno, koo, pua
   4. Konsonanti inayotamkwa bila ya hewa kufungiwa/ kuzuiliwa/ kubanwa
   5.    
      1. Njema, njumu, njama, njuga, njenje, njiiti, njozi (mtahini ahakiki jibu)
      2. Swali, swara, sweta, Kiswahili, swila (mtahini ahakiki jibu)
   6.    
      1. Tamko linalotolewa kwa mpigo katika neno/ mpigo mmoja wa sauti katika neno.
      2. Pa-ra-pa-nda
   7.    
      • Kamusi ya kiswahili sanifu
      • kamusi ya semi na nahau
      • kamusi ya methali
      • kamusi ya vitendawili
      • kamusi ya sayansi (mtahini ahakiki jibu)
   8. Mkutubi
   9. Mtoto mtukutu ameadhibiwa vibaya.
         N        V             T                   E
   10.      
       1. U – I
       2. I – ZI
   11.      
       1. Ki nguoni mwako
       2. Ni kama usiku wa kiza
   12.      
       • Hutumika kabla ya kutoa orodha
       • Kuandika tarehe
       • Kuandika saa
       • Kuonyesha masomo ya Biblia
       • Kutoa mada ya barua rasmi
       • Katika mazungumzo ya moja kwa moja/ mchezo wa kuigiza ( Baada ya jina la msemaji)